तनहुँ जिल्ला स्थित भानु नगरपालिकाले आफ्नाे नगर भित्रका विद्यालयहरुकाे आधारभूत तह उत्तीर्ण परीक्षा सञ्चालनका लागि परीक्षा समितिकाे गठन गरी विभिन्न विद्यालयमा २६ ओटा परीक्षा केन्द्र र केन्द्राध्क्षकाे व्यवस्था गरी परीक्षा सञ्चालन गर्ने निर्णय गरे बमाेजिम परीक्षा समितिले परीक्षा तालिका समेत प्रकाशित गरिसक्दा अन्य कक्षाकाे वार्षिक परीक्षाका लागि भने पालिकाले चासाे देखाएकाे छैन । कक्षा ८ काे परीक्षा सञ्चालनकाे कार्यक्रमले परीक्षाकाे स्तरीयतालाई बढवा दिने र एउटा प्रणालीकाे स्थापना गर्ने भए पनि अन्य कक्षालाई वेवास्ता गरिनुले पालिकाका राम्रा प्रयासहरु पनि ओझेलमा पर्ने सम्भावना रहन्छ । आखिर किन अन्य कक्षाहरुमा कक्षा ८ मा जस्तै परीक्षा सञ्चालन संभव भएन ? के कारणले गर्दा गरिएन ? प्रश्न अवश्य उब्जिएकाे छ ।
श्री विश्वज्याेति प्राथमिक विद्यालयका प्रधानाध्यापक नारायण वसेल सरले आज कक्षा १ देखि ५ सम्मकाे लागि भनेर वार्षिक परीक्षाकाे तालिका सामाजिक सञ्जाल मार्फत प्रकाशन गर्नु भएकाे छ । याे एकदमै राम्राे कार्य हाे । प्रश्नपत्र सम्वन्धी व्यवस्था के कसाे हाे उल्लेख भएकाे छैन । यदि प्रश्नपत्र पनि नगर स्तरीय नै हाे भने याे सुखद खवर हनेछ ।
नगर स्तरीय परीक्षा सञ्चालन ले विद्यालयकाे शैक्षिक वातावरणलाई स्वस्थ बनाउन मद्दत गर्दछ । यसले शैक्षणिक अनुशासन कायम गरी सिकाइ वातावरण सबल बन्दछ । तसर्थ कुनै एक दुई कक्षाकाे मात्र नभइ सबै कक्षाकाे लागि परीक्षालाई पालिका स्तरीय बनाउनु आवश्यक छ । कुनै एक परीक्षा मात्र नभइ विद्यालयहरुले एक शैक्षिक वर्षमा सञ्चलन गर्ने सम्पूर्ण परीक्षाहरु नगरले सञ्चालन गर्ने हिम्मत राख्नु पर्दछ ।
परीक्षा सञ्चालन विद्यालयहरुकाे सहयाेग बाट नै हुने हाे । यसमा विद्यालयहरुले सकारात्मक भुमिका निर्वाह गर्नु पर्दछ । नगर स्तरीय परीक्षा सञ्चालनमा ल्याउँदा विद्यालयका प्रधानाध्यापकहरुलाई नै विद्यालयमा नियमित शैक्षिक कार्यक्रम सञ्चालनमा सहयाेग पुग्ने हाे । यसले शिक्षण पेसाकर्मीलाई नियमित गराई शिक्षणमा थप निखार ल्याई आफ्नाे पेसागत विकास गर्नका लागि अवसर पनि प्रदान गर्दछ । तसर्थ याे विषयमा सबै विद्यालयका प्रधानाध्यापक ज्यूहरु सचेत हुनु जरुरी देखिन्छ ।
आदिकारीक रुपमा विद्यालयीय कृयाकलापकाे जिम्मा प्रधानाध्यापक ज्यूहरुकाे हाे । वहाँहरुलाई जसरी विद्यालयका शिक्षकहरुकाे साथ र सहयाेग विद्यालयीय कार्यमा हुन्छ ठीक त्यसरी नै शिक्षकहरुलाई नगरपालिका स्तरीय कार्यक्रमकाे तर्जुमा तथा कार्यान्वयनमा सहयाेगी गराउन सकिन्छ यदि प्रधानाध्यापक ज्यूहरुबाट मात्र संभव नहुने भए । तसर्थ याे विषयमा नगरकाे शिक्षा विभाग संवेदनशील हुन आवश्यक छ ।
गत शैक्षिक वर्षकाे सम्पूर्ण कक्षाकाे वार्षिक परीक्षा नगरकाे शिक्षा विभाग मातहत गठन भएकाे नगर स्तरीय परीक्षा समितिबाट प्रश्नपत्र निर्माण गरी सञ्चालन भएकाे थियाे । र याे वर्ष सबै परीक्षाहरु नगर स्तरीय नै हुने धेरैकाे अपेक्षा थियाे । तर याे हुन सकेन । याे विषयमा आत्मआलाेचना गरी आगामी वर्षहरुबाट सबै परीक्षाहरु नगर मातहत राखी विद्यालयहरुकाे शैक्षणिक कार्यलाई नियमित र मर्यादित बनाउनका लागि सम्वन्धित पक्षकाे ध्यान जाओस् ।
Post a Comment