लकडाउन उल्लंघन गरे जरिवाना

चैत १६ गते
भानु नगर प्रमुख उदय राज गौलीज्यूको अध्यक्षता आज  नेपाली सेना,ससस्त्र प्रहरी,नेपाल प्रहरी,स्वास्थ्य संस्था प्रमुख,जनप्रतिनिधी एवं कर्मचारीहरुको संयुक्त बैठकबाट भानु नगरपालिका भित्र कोरोना (कोभिड-१९) संक्रमण विरुद्ध आफ्ना नागरिकहरुको हित,सहजता एवं नेपाल सरकारको निर्णय कार्यान्वयन गरि विश्वव्यापी महामारीबाट मुक्त गराउन तपसिल बमोजिमको निर्णयहरु

• सबै वडाहरुमा सम्भावित क्वारेन्टाइन व्यवस्थापनका लागी स्थान र आवश्यकता पहिचान गरि वडा स्तरीय समन्वय समितिले अविलम्व पठाउने ।

• अति विपन्न श्रमिक वर्ग एवं चुल्हो नबल्ने परिवारलाई वडा समिती,सुरक्षाकर्मीको पहिचान गरि अविलम्व विवरण नगरपालिकामा पठाउने ।

• वेवारिसे परेका भानु न.पा वाहिरका नागरिकहरु समेतको विवरण संकलन गरि उद्दार र खानपानको व्यवस्था गर्ने ।
• खाधान्न संकट हुन नदिन उद्योग वाणिज्य संघ र सुरक्षा निकायको समन्वयमा सहज बनाउने व्यवस्था मिलाउने ।
• लक डाउनलाई व्यवस्थित बनाई सबै भानु वासीलाई होम क्वारेन्टाइनमा अनिवार्य बस्ने वातावरण बनाउने सबै वडा समिति सुरक्षा संयन्त्र परिचालन गरि जुवा,तास,भोज भतेर जस्ता क्रीयाकलाप नियन्त्रण गर्ने । जसका लागि निम्नानुसार दण्ड सजाय गर्ने । होम क्वारेन्टाइनमा वस्नेहरुको प्रभावकारी अनुगमन गर्ने ।
- चौतारीमा बसेर गफ गर्नेलाई  - रु. १०००
-  चिया पसल/रक्सी पसल खोल्नेलाई - रु.२०००
- जुवा/तास खेल्नेलाई - रु.५०००
- जुवा/तास खेलाउनेलाई - रु.१००००
- खाधान्न पसल नखोल्ने र लुकाउनेलाई रु.५०००
- क्यारेमबोर्ड/पोर्ट खेल्ने खेलाउनेलाई - रु.३०००
• नियमित रुपमा वजार अनुगमन गर्ने व्यवस्थापन मिलाउने ।
• माग र आपूर्तिलाई सन्तुलन कायम गर्न कृषिजन्य उत्पादनलाई बजारसम्म पुर्याई विग्रिन नदिन वाणिज्य संघ संगको समन्वयमा सदुपयोग हुने व्यवस्थाको लागि सूचना प्राप्त गर्ने व्यवस्था मिलाउने । यसका लागि वडा समितीले आ-आफ्नो वडामा भएको उत्पादनको विवरण तथा आवश्यकताको विवरण नगरपालिकामा पठाउने ।
• विदेशबाट फर्केका व्यक्तिहरुको वडा समिति,टोल विकास संस्था मार्फत पुन तथ्यांक संकलन गर्ने,खोज पड्ताल गर्ने र नियमित रुपमा निगरानी गर्ने ।
• नगरपालिकाले तत्काल १० वेडको व्यवस्थित क्वारेन्टाइनको व्यवस्थापन गर्ने ।
• सुरक्षा निकायको पेट्रोलइंगलाई थप प्रभावकारी बनाउन ससस्त्र प्रहरी,नेपाल प्रहरी तथा  श्री नं.३ जगदल गणलाई अनुरोध गरी ग्रामीण भेगमा समेत नियमित  पेट्रोलइंग गर्ने ।
• प्रत्येक वडामा १ वटा खाधान्न ढुवानीको साधनलाई खाधान्न आपूर्तिको लागि अनुमतिको व्यवस्था मिलाउने । सबै वडाका वडा समितीहरुले आ-आफ्नो वडा खाधान्नको सहज आपूर्तिको व्यवस्था गर्ने तथा सोका लागि खटिने सवारी अनुमतिका लागि नेपाल प्रहरीको प्रहरी निरीक्षक (९८५६०८०१७२) मा समन्वय गर्ने ।
• सबै वडामा लक्षणको आधारमा स्क्रिनिंग टेस्टलाई गाउँ स्तरसम्म पुर्याई व्यापक परिक्षणको तत्काल व्यवस्था मिलाउने । जसका लागि आवश्यक पर्ने जनशक्तिको रुपमा जनप्रतिनिधि,महिला स्वास्थ्य स्वयंम सेविका तथा स्वास्थ्यकर्मी एवं टोलका अगुवाहरुलाई मोबाईल अभिमुखिकारण गरि परिचालन गर्ने र क्रमश  : स्वास्थ्यकर्मी हुदै चिकित्सक सम्मको पहुँचमा पुर्याउने ।
• भानु न.पा भित्रका संक्रमण सम्बन्धी कार्यमा प्रयोग हुने गाडी तथा एम्बुलेन्स चालकको विमाको व्यवस्था मिलाउने/संकटमा खटिएका लगायतका स्वास्थ्य लगायतका कर्मचारीहरुलाई अतिरिक्त प्रोत्साहन भत्ताका व्यवस्था गर्ने साथै कोरोनाका कारणबाट मृत्यु भएमा निजको परिवारलाई उचित राहत रकम उपलब्ध गराउने ।
• स्वास्थ्यकर्मीका अतिरिक्त भानु नगरपालिकामा खटिने सुरक्षाकर्मीहरुका लागि आवश्यक प्रोटेक्टिभ सामग्रीहरु उपलब्ध गराउने ।
• मदिराको विक्री वितरण तथा सेवन निषेध गरिने । विक्री वितरण गरेको पाइएमा रु.१०००० जरिवाना गरिनेछ
• ७ सदस्सीय बजार अनुगमन समितिगठन ।
वरिष्ठ अधिकृत - १ संयोजक
स्वास्थ्य शाखा प्रमुख - १ सदस्य
तनहुँ उद्योग वाणिज्य संघ बजार इकाई - १ सदस्य
पत्रकार - १ सदस्य
सम्बन्धित वडाको वडा अध्यक्ष - १ सदस्य